Majha Mahavidyalayatil Pahila Divas Nibandh: महाविद्यालयातील पहिला दिवस! प्रत्येक विद्यार्थ्याच्या आयुष्यातील एक विशेष क्षण असतो. शाळा संपवून, महाविद्यालयात प्रवेश मिळवणे म्हणजे एक नवे पाऊल, एक नवा प्रवास सुरू होण्याची सुरुवात. हा दिवस माझ्यासाठी खूप उत्सुकता, थोडा भीती, आणि खूप सारे स्वप्न घेऊन आला होता.
माझा महाविद्यालयातील पहिला दिवस निबंध मराठी: Majha Mahavidyalayatil Pahila Divas Nibandh
पहाटेच उठून, मी महाविद्यालयासाठी तयारी केली. आई-बाबांच्या चेहऱ्यावर अभिमान आणि आनंद होता. माझ्या मनात मात्र संमिश्र भावना होत्या. एका बाजूला नवीन मित्र मिळतील, नवीन गोष्टी शिकायला मिळतील, असे विचार तर दुसरीकडे काहीसा घाबरलेला होतो की कसा असेल हा नवा अनुभव?
महाविद्यालयाच्या प्रवेशद्वारातून पाऊल टाकताच एका वेगळ्या जगात आलोय असे वाटले. शाळेतले ते चारचौकडीच्या गणवेशाचे जग सोडून आता रंगीत कपड्यांच्या जगात प्रवेश केला होता. सगळेजण वेगवेगळे कपडे घालून, कोणाच्या हातात बॅग्स, कोणाच्या हातात फाईल्स, आणि सगळ्यांचेच चेहरे ओसंडून वाहणाऱ्या आनंदाने उजळलेले.
पहिल्या तासाला वर्गात जाऊन बसलो, माझ्यासारखे अनेक नवीन चेहरे होते. काहींच्या चेहऱ्यावर उत्सुकता तर काही जण माझ्यासारखेच ओशाळलेले. त्या वर्गात बसल्यावर मी मनोमन म्हटले, “माझा पहिला कॉलेजचा वर्ग आहे हा!” शिक्षकही नवीन वाटत होते, त्यांची शिकवण्याची पद्धत थोडी वेगळी होती, पण त्यांचा आत्मविश्वास, त्यांचे हावभाव पाहून मी खूप प्रभावित झालो.
१५ ऑगस्ट भाषण मराठी: 15 August Bhashan Marathi
मी शिक्षक झालो असतो तर मराठी निबंध: Me Shikshak Zalo tar Marathi Nibandh
पहिल्या दिवशी नवीन मित्र-मैत्रिणीही भेटले. त्यांच्या सोबत गप्पा मारताना आधीची लाज कुठेच उरली नाही. काही जण अगदी शाळेपासूनचे मित्र-मैत्रिणी असल्यासारखे वाटले. आपापल्या शाळेतील अनुभव सांगताना प्रत्येकाच्या चेहऱ्यावर एक वेगळीच चमक दिसत होती. हा मित्रांचा नवा ग्रुप माझ्या आयुष्यात एक अनमोल ठेवा असणार होता, हे मला तेव्हाच जाणवले.
तास संपल्यानंतर आम्ही सगळे महाविद्यालयाच्या प्रांगणात एकत्र आलो. तिथे खूप सारी गप्पा, हसणे-खिदळणे, आणि एकमेकांशी परिचय करणे चालू होते. कॉलेजचे मोठे ग्रंथालय पाहून तर मी थक्कच झालो. पुस्तकांचा एवढा मोठा संग्रह, एवढे नवनवीन विषय, हे सगळे काही मला खूपच अद्भुत वाटत होते.
महाविद्यालयाच्या पहिल्या दिवसाचा प्रत्येक क्षण मी मनात साठवून ठेवला. त्या दिवसाने मला आयुष्याच्या एका नव्या प्रवासाची ओळख करून दिली, नवीन स्वप्नांना जन्म दिला आणि स्वतःचा शोध घेण्यासाठी एक नवा मार्ग दिला.
2 thoughts on “माझा महाविद्यालयातील पहिला दिवस निबंध मराठी: Majha Mahavidyalayatil Pahila Divas Nibandh”